PUKmedia
Berdevkê hikûmeta Herêma Kurdistanê ragihand ku hikûmet li ser sizadayîna tawanbarên kîmyabarankirina Helebçeyê digire rêz li biryara Dadigeha Bilind Tawanan a Iraqê lê hevdem ji wê yekê dilgirane ku ew tawan wek jenosîd nas nekiriye.
Berdevkê hikûmeta Herêma Kurdistanê Kawe Mehmûd di daxuyaniyekê de wiha got: “Hikûmeta Herêma Kurdistanê rêz li biryara Dadigeha Bilind a Tawanan û serbixwebûna dadigehê digire. Bi ya wê sepandina sizayê bi ser tawanbaran de dadperwerane ye. Tevî vê yekê bi şêweyekî fermî nasnekirina wê tawanê wek jenosîd em dilgiran kirin.”
<!--[if !supportLineBreakNewLine]-->
<!--[endif]--> Berdevkê hikûmeta Herêma Kurdistanê amaje bi wê yekê jî kir ku tawana kîmyabarankirina Helebçeya Şehîd tawaneke li hemberî xelkê sivîl û bêtawan û got: “Qurbaniyên wê tawanê sivîl in, lewra ew tawan li dijî mirovatî hatiye pêkanîn û divê wek jenosîd bê naskirin.” 
